PETA SITUS | KONTAK
Login
Logo Damas Daya Mahasiswa Sunda
Menu Utama
Space Iklan
Space Iklan
Senen, 18/01/2016 19:57 WIB

Pasanggiri Tembang Sunda Cianjuran Damas Ka-21 Jadi Dilaksanakaeun 2016

Humas PP Damas - damasNews

Bandung - Alhamdulillah ayeuna waktu pelaksanaan Pasanggiri Tembang Sunda Cianjuran (PTSC) Damas Ka-21 parantos cindek baris dilaksanakeun dina taun 2016, namung perkawis kaping sareng tempat masih nuju dipilari anu pas. Kitu nurutkeun Hasan salaku Sesepuh Pangurus Puseur (PP) Damas.

Hasan ogé nétélakeun, wastana Keluarga Besar Damas neda dihapunten wiréh salami ieu teu tiasa masihan kajelasan patali sareng pelaksanaan PTSC ka-21, malihan anu kawitna baris dilaksanakeun dina 2015 lapur, teu tiasa kacumponan.

Dumasar kamupakatan tim internal Damas sareng pihak sponsor, In sya alloh cindek PTSC Ka-21 dilaksanakeun dina taun 2016 ieu kalayan tos dikaluarkeun daftar lagu-lagu anu baris dipasanggirikeun anu tiasa ditinggali di website Damas (www.damas.or.id) atanapi langsung klik link http://www.damas.or.id/index.php/list_lagu. Salajengna patali sareng lagu-lagu kasebat aya nu kedah diperhatoskeun, hususna dina babak final, nyaéta sajaba ti lagu-lagu anu sifatna wajib, aya ogé lagu-lagu anu sifatna diundi dina technical meeting. Kitu saur Hasan.

Sajaba ti robahan waktu, Hasan oge nandeskeun patali sareng ayana robahan dina kapanitiaan. Pupuhu panitia (OC) anu kawitna dicekel ku Dadan Surya, ayeuna parantos digentos ku Herry Wijaya. Sedengkeun réngréngan SC rélatif teu aya robahan, iwal ti Herry Wijaya nu kawitna SC sabab dipeto jadi pupuhu OC kukituna sacara otomatis leupas kalungguhan SC-na.

Komentar

Login Anggota
Informasi Kegiatan DAMAS
  • Can aya data kegiatan nu diasupkeun!